සිතුවිල්ල

අනවසරෙන් වඩින, සැනින් පලා යන,

සීමා විරාම නොතකා 

මටත් හොරා හිත එක්ක නුඹ ධාර හරඹයක්.

මුරණ්ඩු මං

නුඹට හීලෑ ද ?🤔

හුදකලා නිමේෂයක 

මංමුළා වූ 

මා සොයන නුඹ කවුරුන් ද?🤔

අන්ධ හෝරාවක

නිහඬ ගුහා කුහරයක හිර ව,

පතුල නොපෙනෙන අගාධයකට ඇද වැටෙන,

හිස් අහසක පාවෙන කාල මේඝයක් වූ

මා සොයන නුඹ කවුරුන් ද...?🤔

*********************************************

අවහිර රිද්මයකට වැයෙන,

හද තුළම නිදන් වූ,

මැදියම් රැයේ දොළහේ කණිසමට පවා ඉකිබිදින,

වළ දැමූවත් පණ ගැහෙන,

නුඹට අවනත නොවූ මා...

නොමළ මළ 

චංචල සිතුවිල්ල.😌